«Жалтыр ауылының №2 жалпы орта білім беретін мектебі» КММ 2025-2026 оқу жылы бойынша Тарих онкүндігінің ашылуы туралы ақпарат

Бүгін 12.01.2026 жылы мектебімізде тарих онкүндігінің ашылу салтанаты өткізілді. Күн бұрын тарих пәні мұғалімдері «Тарихтың іздерімен: өткеннен болашаққа» тақырыбында өтілетін тарих пәні онкүндігінің іс-шара жоспары құрып бекітті.

Онкүндік  мақсаты:

1.Заман   талабына   сай   жаңа  сабақ  үрдістері, әдістемелік  бірлестіктегі  ізденістер  бойынша  тәжірибе   алмасу, ой   бөлісу.

2.Білім алушылардың тарихи санасын қалыптастыруға, отансүйгіштікке тәрбиелеуге және ұлттық құндылықтарды дәріптеуге баулу.

Қарсанында оқушылармен мұғалімдер тарих онкүндігіне арнап стенд жасап,фойені безендіру жұмыстарын өткізді.Онкүндіктің ашылуы салтанатты жиынмен басталып, онда мектеп әкімшілігі мен тарих пәні мұғалімдері құттықтау сөз сөйлейді. Іс-шара барысында онкүндіктің мақсаты мен міндеттері таныстырылып, жоспарланған жұмыстарға қысқаша шолу жасалады.

Ашылу рәсімінде:

• Қазақстан тарихының маңызды кезеңдері туралы мазмұнды баяндамалар;
• Тарихи тұлғаларға арналған көріністер немесе әдеби-музыкалық композициялар;
• Оқушылардың шығармашылық жұмыстары (презентация);
• Танымдық сұрақ-жауаптар мен викториналар ұйымдастырылады.

Тарих онкүндігі аясында ашық сабақтар, пікірсайыстар, зияткерлік ойындар, эссе және ғылыми жоба байқаулары өткізу жоспарланады. Бұл іс-шаралар оқушылардың пәнге деген қызығушылығын арттырып, өз ойын еркін жеткізуіне, тарихи деректерді талдай білуіне мүмкіндік береді.

Тарих онкүндігінің ашылуы – білім алушыларды өткенді құрметтеуге, тарихтан тағылым алуға және ел болашағына жауапкершілікпен қарауға үндейтін тәрбиелік мәні зор шара.