«Жалтыр ауылының №2 ЖОББ» КММ 2024-2025 оқу жылының сыныптан тыс үйірмелер мен секциялар туралы анықтама

Мектебімізде оқушылардың денсаулығын нығайту және дамыту мақсатында дене шынықтырудан тыс ақылы спорт секциялары ұйымдастырылды. Бұл секциялар волейбол, баскетбол, футбол, теннис, шахмат және «Әгугай домбыра үйірмесі» бойынша өткізілді. Әр секция бойынша күнтізбелік тақырыптық жоспарлар бекітіліп, 2024-2025 оқу жылына арналған бұқаралық спорттық іс-шаралардың күнтізбесіне сәйкес мектепішілік спорт түрлерінен жарыстар ұйымдастырылып, оқушылар жүлделі орындарға ие болуда.

Секциялар аптасына үш рет өткізіледі, бұл оқушылардың дене шынықтыруға деген қызығушылығын арттырып, спорттық дағдыларын дамытады.

Мектебімізде шахмат үйірмесі бойынша ақылы факультатив сабақтар 1 сыныпта өткізіліп жатыр. Ақысыз шахмат үйірмесі де өз ісін жүзеге асырып жатыр. Жетекшісі: Тыңхан Нәзірхан. 2025 жылғы ақпанның 26-сы күні 1 сыныпқа директордың тәрбие ісі жөніндегі орынбасары Найманбаева А.А. оқушылардың шахматты меңгеруін және оның тиімділігін бақылау мақсатында сабаққа қатысты. Осы сабақта келесі ескертулер жасалды:

• Балалардың әр шахматтың атауын білмеуі.
• Әр шахматтың қалай жүру керектігін білмеуі.

Сонымен қатар, спорттан бөлек, мектебімізде ақылы «Әгугай домбыра үйірмесі» жұмыс істейді. Бұл үйірме 2 және 3 сыныптарында жүргізіледі, жетекшісі — Әлден Гауһар. Балалар домбыра үйренуге үлкен қызығушылық танытып, өнерді тез меңгеруге ұмтылады. Үшінші тоқсанда балалар аудандық «Дәстүрлі ән» байқауына қатысып, финалға өтіп, алғыс хатпен марапатталды.

Ұсыныс: Оқушылардың шахмат пәнін толық меңгеру үшін арнайы оқу құралдары мен қосымша жаттығулар ұйымдастырылуы қажет. Бұл олардың ойын ережелерін жақсы меңгеріп, шахматқа қызығушылығын арттырады. Сонымен қатар, үйірмелер мен секцияларға қатысатын оқушылардың білім деңгейіне сәйкес тапсырмалар мен материалдар жиынтығын ұсыну, оқыту әдісін жетілдіру керек.