«ХХІ ғасыр көшбасшысы»

2024 жылғы 28 – 29 қараша күндері Ақмола облысы білім басқармасының «Ақмола дарыны» дарынды балалар мен талантты жастарды анықтау және қолдау орталығының ұйымдастыруымен Көкшетау қаласы, Абай атындағы дарынды балаларға арналған № 3 облыстық мамандандырылған мектеп-интернатының базасында 11- сынып оқушылары арасында «ХХІ ғасыр көшбасшысы» зияткерлік ойынының облыстық кезеңі өткізілді. Зияткерлік шоу болып табылатын «ХХІ ғасыр көшбасшысы» телебағдарламасы алғаш рет «Хабар» агенттігінің эфирінде 1999 жылы шыққан.
Ойынының мақсаты – оқушылардың оқу әрекетін ынталандыру, жоғары интеллектуалдық қабілеті бар, дайындығы жақсы әрі дарынды оқушыларды іріктеу және қолдау, Қазақстан Республикасының интеллектуалдық әлеуетін қалыптастыруға жәрдемдесу.
Зияткерлік ойын үш кезеңде өткізіледі:
1)аудандық/қалалық;
2)облыстық;
3)қорытынды (республикалық).        Аудандық кезеңде мектебіміздің 11 "А" сынып оқушысы Нұрлыбек Аружан ІІ орынды иеленіп, облыстық кезеңде аудан намысын қорғады.  «ХХІ ғасыр көшбасшысы» зияткерлік ойынының облыстық кезеңі нәтижесінде Нұрлыбек Аружан грамотамен марапатталды.