Кәсіби бағдар 2024-2025

Жалтыр ауылының №2 жалпы орта білім беретін»КММ 2024-2025 оқу жылына арналған кәсіби бағдар беру жұмысы туралы анықтама

Мектебімізде кәсіптік бағдар беру мақсатында іс-шаралар жоспары жасақталып, бекітілді. Оған сәйкес, 9-сынып пен 11-сынып оқушыларының таңдаған мамандықтары бойынша түсетін оқу орындарының тізімі құрылды. Мектепте 9-сыныпта 13 оқушы, 11-сыныпта 9 оқушы бар.

Тоғызыншы сынып бойынша төрт оқушы 11-сыныпқа қалуға шешім қабылдады. Олар:

• Балтабек Жандос
• Ислямбекова Амир
• Тюлекеев Чингис
• Шевченко Илья

Жоспарға сай жүргізілген жұмыстар:

1. Мамандық таңдау және қызығушылықтарды анықтау бағытында диагностикалық жұмыстар жүргізілді. Бұл жұмыс оқушылардың қандай мамандықтарға қызығатынын және олардың қабілеттерін анықтауға көмектесті.
2. Мектеп түлектерімен кездесу ұйымдастырылды. Оқушылар түлектермен кездесіп, олардың таңдаған мамандықтары туралы пікірлерін тыңдап, кеңестер алды.
3. «Менің ата-анамның жұмысына бір күн саяхат!» атты іс-шара өткізілді, бұл оқушыларға өз ата-аналарының жұмыстары туралы көбірек білуге мүмкіндік берді.
4. Кәсіпорындарға экскурсиялар ұйымдастырылды. 9-сынып оқушылары агротехникалық колледжге экскурсия жасап келді, бұл оларға аграрлық сала мен техникалық мамандықтар туралы тікелей тәжірибе алуға мүмкіндік берді.
5. Әртүрлі оқу орындарынан келген профориентаторлармен кездесулер өткізілді. Бұл шаралар оқушыларға оқу орындарының мүмкіндіктері туралы ақпарат беріп, өз қызығушылықтарына сәйкес мамандық таңдауға көмектесті.
6. Сынып сағаттары: «Мен таңдайтын мамандық!»

«Мамандық дегеніміз не?» атты сынып сағаттары өткізілді.

Барлық атқарылған жұмыстар оқушылардың болашақ мамандықтарын дұрыс таңдауға, өз қабілеттерін тануға және білім жолында дұрыс шешім қабылдауға ықпал етті.

Ұсыныс: Оқушылардың мамандық таңдауына бағытталған жұмыстарды әрі қарай дамыту, кәсіби бағдар беру бағытында қосымша ақпараттық кездесулер мен тренингтер ұйымдастыру қажет. Сонымен қатар, әртүрлі мамандықтар бойынша практикалық жұмыстар мен кәсіпорындарға жиі экскурсиялар өткізу, мектептегі кәсіби бағдар беру жүйесін күшейту мақсатында қажетті ресурстарды толықтыру ұсынылады.